Wezîrê Karên Derve yê Tirkiyeyê Hakan Fidan, îro çû Sûriyeyê. Fidan, ji aliyê Wezîrê Karên Derve yê Sûriyeyê Esad Hesen Şeybanî ve li Balafirgeha Navneteweyî ya Şamê hat pêşwazîkirin. Li gorî agahiyên ku ji wezaretê hatine dayîn, Fidan dê ligel mijarên dualî, mijarên herêmî jî bigire dest.
Di vê çarçoveyê de tê payîn ku nirxandina projeyên ku di asta dualî de ji bo avakirina nû ya Sûriyeyê tên meşandin, çavdêrîkirina xebatên piştgiriya hewildanên avakirina kapasîteyê li Sûriyeyê û nirxandina qonaxa ku di çarçoveya Lihevkirinên 17ê Rêbendanê û 29ê Rêbendanê de di entegrasyona bi Rêveberiya Xweser a Bakur û Rojhilatê Sûriyeyê re hatiye bidestxistin, werin nîqaşkirin.
Fîdan, wê bi Serokdewletê Ukraynayê Volodimir Zelenski û Serokomarê Hikûmeta Demkî ya Sûriyeyê Ehmed el Şara re, yên ku ji bo serdanê li Sûriyeyê ne, civîneke sêalî jî pêk bîne.
