Li herêmên Stavropolê û Krasnodarê yên Federasyona Rûsyayê, rojbûna Rêber Apo bi bernameyên cuda, beşdariya berfireh û atmosferek şad hat pîrozkirin. Çalakiyên vê rojê li çend navendên Kurdî yên herêmê hatin lidarxistin û ji aliyê civakê ve bi girîngî hatin pêşwazîkirin.
STAVROPOL
Li gundê Krasnodarskî ya herêma Stavropolê, civake Kurd li hev civiyan da ku vê rojê pîroz bikin. Di destpêkê de wek sembola jiyan, ewlehî û domdariya pêvajoya civakî du dar hatin çandin. Piştre helbesta Rêber Apo ya ji bo zarokan hate xwendin û piştre jî Hacê Amoyêva û Zvêda Maloyêva axaftin kirin. Di axaftinan de bal kişandin ser rola Rêber Apo ya di jiyana gelê Kurd de.
KRASNODAR
Li bajarê Krasnodarê jî, rojbûna Rêber Apo bi bernameyeke fermî û civakî hate pîrozkirin. Di destpêkê de peyama Rêber Apo hate xwendin û deqeyek rêz hate girtin. Piştre ji Rêveberiya jin a Krasnodarê Besê Alêyîva û endama komîteya bajar Cemîle Mamêdova axaftin kirin û girîngiya vê rojê û bandora Rêber Apo ya li ser gelê Kurd û pergala civakî nirxandin. Di bernameyê de wêneyên Rêber Apo ji bo zarokan hatin xelatkirin.
Her wiha li Mala Kurdan jî ya li Krasnodarê çalakiyek din bi beşdariyeke zêde ya malbat û zarokan hate lidarxistin. Piştî deqeya rêzgirtinê, endamê KNK’ê Feyzoyê Huseyîn axivî û rola Rêber Apo ya di naskirina maf û nasnameya gelê Kurd de nirxand. Xatûna Hesen jî axaftin kir û vê rojê pîroz kir. Piştre ji bo zarokan fîlmek li ser nameya Rêber Apo hate pêşkêşkirin. Paşê beşdar derbazî baxçeyê bûn û şitilên daran çandin.
