Di çarçoveya lêpirsîna têkildarî êrîşa çekdarî ya roja sêşemê 7’ê Nîsanê li ber Konsolosxaneya Îsraîlê ya li Beşîktaşê pêk hatî de, 5 kesên din jî hatin binçavkirin.
Hate zanîn ku binçavkirinên nû di serdegirtinên li Stenbol û Kocaeliyê de pêk hatine. Bi vî rengî di çarçoveya lêpirsînê de hejmara binçavkiriyan bû 10 kes.
Rayedaran ragihand ku ji binçavkiriyan 2 kes li nexweşxaneyê tedawî dibînin.
Di êrîşa çekdarî de 2 polîs birîndar bibûn. Di şer de ji êrîşkaran 2 kes bi rengekî birîndar hatin girtin, êrîşkarek jiyana xwe ji dest da.
Di çarçoveya lêpirsînê de tê diyarkirin ku têkiliya êrîşkaran bi DAÎŞ’ê re heye.
Wezîrê Karên Hundir Mustafa Çîftçî daxuyanî da û ji bo êrîşkarê di şer de jiyana xwe ji dest da, ev tişt got, “Hate diyarkirin ku îrtîbatê rêxistinê yê ku ol îstîsmar dike ye.”
Wezareta Karên Hundir jî di daxuyaniya piştî êrîşê de têkildarî kesên têkiliya wan bi bûyerê re heye ev agahî dan:
“Hate zanîn ku Yunus E.S. ê ku mirî hate girtin têkiliya wî bi rêxistina terorê re ya ku dîn îstismar dike heye, her du terorîstên din ên bi rengekî birîndar hatin girtin Onur Ç. û Enes Ç. birayê hev in û qeyda Onur Ç. a tiryakê heye.”
