Îsmaîl Tuzun ê li Girtîgeha bi Ewlekariya Bilind a Kirşehîrê tê ragirtin, binpêkirina mafan a li girtîgehê bi nameyekê ji raya giştî re ragihand.
Îsmaîl Tuzun ku name ji parêzvana mafên mirovan Nûray Çevîrmen Aykol re şand, anî ziman ku ew nikarin sûdê ji gelek mafên di rêvebernameya girtîgehê de cih digirin, werbigirin.
Tuzun diyar kir ku ew li hucreyên yek kesî têne ragirtin û rojê tenê saet û nîvekê dikarin derkevin hewşê, ji bilî vê nikare sûdê ji karekî din werbigirin.
Tuzun bal kişand ser mafê tenduristiyê jî û got, ji ber lêgerîna nava dev a di dema veguhestina nexweşxaneyê de nikarin bêne dermankirin.
Her wiha ragihand ku ava cemidî ya li girtîgehê tenê çend saetan diherike, ava germ jî bi heriyê diherike.
Di nameyê de Tuzun diyar kir ku hevdîtina bi parêzer re jî bi kamerayê tê şopandin û personelên girtîgehê lê guhdarî dikin.
Her wiha ragihand ku hin girtiyên divê bêne berdan bi rengekî kêfî nayên berdan.
