Guterres li New Yorkê bersiv da pirsên rojnamevanan û ji The Amargi re nirxandin kir. Guterres bi rengekî erênî nêzî pêvajoya navbera Tirkiyeyê û Partiya Karkerên Kurdistan (PKK) bû. Guterres destnîşan kir ku pêşketina vê pêvajoyê hem ji bo Tirkiyeyê hem jî ji bo Kurdan dikare encamên girîng bi xwe re bîne.
Guterres got, “Ez pêvajoya aştiyê ya navbera dewleta Tirk û PKK’ê weke pêşketineke gelekî girîng dibînim” û diyar kir ku eger pêvajo bi normalbûyîneke berfireh bi encam bibe, dikare bandoreke hîn mezintir bike.
Guterres destnîşan kir ku pêvajoya aştiyê wê tenê li nava sînorên Tirkiyeyê nemîne û çareseriyeke tam wê tevkariyên girîng li aramiya herêmî bike. Sekreterê Giştî yê Neteweyên Yekbûyî got, “Normalbûyîna vê meseleyê wê ne tenê ji bo Tirkiyeyê yan jî Kurdên li Tirkiyeyê, di heman demê de wê bi kêrî tevahiya herêmê bê.”
