Bi sedan şêniyên bajarê Hesekê bi meşekê nerazîbûn nîşanî rakirina zimanê Kurdî ji tabelaya koşkên edaletê “Qesra Edlî” û guhertina wê bi tabeleya bi nivîsên Erebî û Ingilîzî da.
Meş ji Çerxerêya Qendîl a têketina başûrê bajar ber bi rêya M4 ve dest pê kir. Di meşê de pankartên bi nivîsên “Maf wekî sedeqe nayê dayîn, lê bi hêzê tê bidestxistin”, “Em dixwazin bi zimanê xwe fêr bibin”, “Em zimanê xwe dixwazin”, “Yê zimanê biparêze welatê xwe parastiye”, “Zimanê me hebûna me ye” û “Bê ziman jiyan nabe” hatin vekirin. Di meşê de bê navber dirûşme hatin berzkirin.
Meş li rêya M4 veguherî mitîngê. Li vir hevseroka Rêveberiya Dibistanên Til Temirê Ayhan Yûnis axivî û got, zimanê Kurdî nasname û çanda herêmê ye, hewldana paşguhkirin wê hedefkirina hebûn û çanda gelekî ye.
Ayhan Yûnis destnîşan kir ku pirrengiya çandî û zimanî li Sûriyeyê divê bibin jêdera dewlemendî û yekîtiyê. Her wiha bang li aliyê têkildar kir ku rêzê bide taybetmendiyên pêkhateyên herêmê.
Mîtîng bi dirûşmên “Bê ziman jiyan nabe” bi dawî bû.
