Tevgera Nifşê Nû, derbarê lihevkirina xwe ya bi YNK’ê re û tevlîbûna wê ya di hikûmeta bê ya Iraqê de daxuyaniyeke nivîskî weşand.
Di daxuyaniyê de hat diyarkirin ku Encumena Siyasî ya Tevgera Nifşê Nû bi pêşengiya Cîgrê Serokê Tevgera Nifşê Nû Rêbiwar Ewrehman, civîna xwe pêk aniye û di civînê de behsa rewşa giştî ya Herêma Kurdistan, Iraqê û geşedanên herî girîng ên siyasî hatiye kirin.
Hat destnîşankirin ku di civînê de li ser lihevkirina di navbera Tevgera Nifşê Nû û YNK’ê de axivîne û wiha hat gotin; ‘‘Xalên lihevkirinê ji bo jiyan û debara xelkê wekî girîng hatin wesifkirin û hêvî hat xwestin ku di demeke nêz de were îmzekirin.’’
Encumena Siyasî ya Nifşê Nû eşkere kir ku wan hemû xalên lihevkirina bi YNK’ê re pejirandine û ji bo îmzekirina wê di demeke nêz de razîbûna xwe nîşan dane.
Li gorî heman daxuyainiyê di civîna Nifşê Nû de li ser pêkanîna hikûmeta Iraqê û wergirtina wezaretekê ji aliyê Nifşê Nû ve hatiye axaftin û hate gotin; ‘‘Ji bo vê Encumena Siyasî bi piraniya dengên endaman, nazmetê wezareta ku biryare ji bo Nifşê Nû were dayîn, diyarkirine.’’
Hêjayî gotinê ye li gorî agahiyan, YNK’ê li gorî lihevkirina xwe ya bi Nifşê Nû re, ji para xwe ya di hikûmeta Iraqê de Wezareta Jîngehê daye Nifşê Nû û tê gotin seroka Fraksiyona Nifşê Nû Sirwa Ebdulwahîd, weke namzet hatiye destnîşankirin.
