Dîroka xwepêşandanê ji ber ku Meclîsa Nûneran wê rojek piştî wê pêşnûmeqanûna reforma teqawidiyê yatê nîqaşkirin têxe dengdanê, girîng e.
POLÎTÎKAYÊN DIJ-CIVAKÎ TÊN PROTESTOKIRIN
Sendîkayan bi taybetî li ser mijarên wekî cezayên teqawidiyê, endekskirina otomatîkî ya mûçeyan, hêza kirînê û parastina xizmetên giştî, hikûmetê rexne dikin.
FGTB, CSC, û CGSLB reformên hikûmeta federal wekî “dij-civakî” bi nav dikin, û destnîşan dikin ku reforma teqawidiyê bi taybetî wê karkeran xizan bike. Sendîka li dijî destwerdanên derbarê endekskirina otomatîkî ya mûçeyan ku piştî şerê li Rojhilata Navîn bihayên enerjiyê zêde bûye protesto dikin.
DI VEGUHASTINÊ DE ASTENGIYÊN MEZIN TÊN PÊŞBINÎKIRIN
Polîs ji ber xwepêşandanê hişyarî da ku bi taybetî li dora Gare du Nord, Bulvara Baxçeyê Botanîkî, Rêya Biçûk a Derdorê (R20) û Gare du Midi wê di veguhertinê de astengî bên kişandin.
Rayedaran diyar kirin ku pirsgirêkên trafîkê wê heta piştî nîvro bidomin. Wê saet 10:00’an û pê ve parkkirina wesayîtan li Porte de Namur û Bulvara Maurice Lemonnierê û her du rêyên derdorê qedexe be.
Şîrketên veguhastina giştî di serî de STIB, De Lijn û Le TEC ragihandi ku wê di torên wan de astengiyên girîng çêbibin.
Sendîkaya STIB’ê bang li endamên xwe kir ku beşdarî xwepêşandanê bibin. Tê payîn ku meşên protestoyî wê rasterast bandorê li gelek xetên tramway û otobusan bike.
Di daxuyaniya STIB’ê de wiha hat gotin, “Nayê pêşbinîkirin ku wê encama astengiyê çiqas be. Ji rêwiyan re hat xwestin ku rêyên altenatîf ên veguhastinê ji bo xwe plan bikin.”
