Li gorî agahiyên ku malpera Parêzgariya Hesekê parve kirine, Parêzgarê Hesekê Nûredîn Ehmed ragihand ku wê 25’ê Gulana 2026’an komek din a dîlgirtiyên QSD’ê yên di girtîgehên hikumeta demkî de were azadkirin.
Parêzgar destnîşan kir ku ev yek piştî rêzecivîn û hemahengiyên bi aliyên têkildar ên Hesekê û Şamê pêk tê û got, azadkirina dîlgirtiyan di çarçoveya bicihanîna peymana 29’ê Çileyê de tê kirin.
Nûredîn Ehmed got “Di çarçoveya hewldanên xurtkirina aramî û aştiya navxweyî de, lihevkirin çêbû ku komeke din a dîlgirtiyan were azadkirin.”
Parêzgar desntîşan ki ku ev gav, girîngiya diyalog û têghiştinê di navbera gelên welatekî de nîşan dide, di heman demê de dibe sedem ku bawerî xurt bibe û mercên guncaw ji bo pêvajoyeke bi ewele, tevkarî û bi hev re jiyîn amade dike.
Nûredîn Ehmed got, “berpirsyariya nîştimanî, domandina xebata hevpar hewce dike ku bikeve xizmeta tevahî Sûriyeyan û yekparbûna welat û aramiya wê biparêze û rê li ber parçebûn û aloziyan bigire.”
