Barana ku bi rojan e li Hatayê dibare, bandoreke neyînî li jiyana rojane dike. Antakya, Defne, Samandag, Dortyol û Reyhanli jî di nav de li gelek navçeyan av li malan qewimî, hezazê rû da û lehî rabû.
Midûriyeta Giştî ya Meteorolojiyê jî hişyarî da ku baran wê tevahiya rojê dewam bike.
Li navçeya Samandagê, lêgerîna li Denîz Hoşgel û Mûsa Paşa dewam kir ku beriya bi sê rojan li ber lehiyê ketibûn û winda bûn. Tîmên lêgerînê doh bi şev wesayita ku tê gotin a herdu ciwanan bû, bi rengê qezakirî dîtin.
Cenazeyê Denîz Hoşgel li taxa Magarcikê, cenazeyê Mûsa Paşa jî li nava zeviyekî ku bi 2 kîlometreyan dûrî cihê lê winda bû, hate dîtin.
AFAD’ê diyar kir ku ji ber lehiyê 17 kes li bajêr birîndar bûn. Her wiha ragihand ku ji herêmên bi rîsk bi giştî 495 kes hatin veguhestin.
Şêniyên bajêr ji ber asta felaketa lehiyê dixwazin ku Hatay bi lez weke “herêma afetê” bê ragihandin.
