Kekê endamê Fermandariya Navenda Parastina Gel (NPG) Mûrat Karayilan Mehmet Emîn Karayilan di 74 saliya xwe de koça dawî kir.
Li gorî agahiyan, Mehmet Emîn Karayilan dema ku li nexweşxaneyê serdana keça xwe dikir ku dihate dermankirin, krîza dil derbas kir û jiyana xwe ji dest da. Cenazeyê Karayilan ji morga Goristana Yeşîlkent a Dîlokê hate wergirtin û birin Bêrecûkê.
Piştî bicihanîna wecîbeyên olî cenazeyê Karayilan li ber duayan li Goristana taxa Sakiltanê hate veşartin.
Hevseroka Giştî ya DBP’ê Çîgdem Kiliçgun Ûçar, parlamenterên DEM Partiyê, nûnerên partiyên siyasî, rêveberên rêxistinên girseyî yên demokratîk û gelek kes tevlî merasîmê bûn.
Li gorî agahiyan serdanên sersaxiyê yên ji bo Mehmet Emîn Karayilan wê li taxa Sakiltanê bêne qebûlkirin.
