Wezareta Tenduristiyê ya Fransayê ragihand ku bi doktorekî re vîrûsa Ebolayê hatiye tespîtkirin ku li Komara Demokratîk a Kongoyê karê alîkariya mirovî dikir û piştre vegeriya Fransayê.
Wezaretê diyar kir ku ev bûyera destpêkê ye ku li Fransayê şewba Ebolayê tê tespîtkirin.
Hate ragihandin ku doktorê vîrûs lê hate tespîtkirin li saziyeke tenduristiyê ya taybet hatiye îzolekirin û tedawiya pêwîst dewam dike.
Rayedarên tenduristiyê gotin, ji bo pêşîgirtina li belavbûna vîrûsê li ser diyarkirina kesên ku nexweş bi wan re danûstandin kir, karekî berfireh tê meşandin.
Wezaretê destnîşan kir ku li gorî nirxandinên heyî rîska tenduristiya gel a li seanserê Ewropayê di asteke nizm de ye.
Rayedarên Wezareta Tenduristiyê ji AFP’ê re axivîn û piştrast kirin ku bûyer li ser erdê Fransayê hatiye tespîtkirin.
Derdorê wezaretê gotin, bûyer ji aliyê hikumetê ve “gelekî ji nêz ve tê şopandin.”
Li gorî Rêxistina Tenduristiyê ya Cîhanê ji ber şewba Ebola ya li Kongoyê heta niha zêdeyî hezar kes nexweş ketin û herî kêm 267 kes mirin.
