Di pêvajoyeke ku li ser çareserkirina pirsgirêka Kurd û demokratîkbûnê tê nîqaşkirin, zexta darazê ya li ser siyasetmedarên Kurd, sosyalîst û muxalîfan didome. Yek ji van bûyera jî li dijî Hevserokê berê yê HDP’ê yê navçeya Kadikoyê û di heman demê de birîndarê Komkujiya Pîrsûsê Koray Turkay tê meşandin.
Koray Turkay di Newroza 2024 ya Îzmirê de ji ber belavkirina kovarên ‘Jıyana Ekolojîk’, ‘Jineolojî’ û ‘Modernîteya Demokratîk’ yên ne qedexekirî hat girtin. Piştî demekê hate berdan. Lê di 14’ê Şubat 2025’an de ji heman dosyayê bi îdiaya “endamtiya rêxistinê” hate girtin û mehek di girtîgehê de ma.
Turkay, got ku kovara ‘Jıyana Ekolojîk’ya ku wek hinceta girtina wî hat nîşandan, bi awayekî asayî derbasî girtîgehê bû û bi mohrê ‘guncav e’ hate dayîn. Turkay, got ev mînakeke eşkere ya neqanûniyê ye.
DOZGER CAREKE DIN BANG LI WÎ KIR
Turkay, ê ku piştî mehekê bi şertê kontrola edlî hate berdan da zanîn ku di nav salek û nîv de îdianame amade nebûye û got lê heman dozger dîsa ji bo îfadedayînê bang li wî kiriye.
Turkay, got ku ji ber ku bi tedawiya bavê xwe yê nexweşê penceşêrê re mijûl bû, demekê neçûye îmze dayînê û anî ziman ku dozgerî ev yek weke hincet nîşan da û û daxwaza girtina wî daye.
NIVÎSÊN RÊBER APO JÊ HATINE PIRSÎN
Turkay, got ku di dema îfadeyê de dozger li ser nivîsekê ya Rêber Apo ku di kovaran de derketiye pirsiye. Turkay, dîsa got ku van kovaran qanûnî ne û li ser wan tu biryara qedexekirinê tune ye.
Koray Turkay, her wiha got ku dozger dosyayên din ên kevn jî aniye rojevê û hewl daye ku ji wan sûcek çêbike.
‘EV RÊBAZA TIRSANDIN Û BÊDENGKIRINÊ YE’
Turkay, got ku piştî îfadeyê hate berdan, lê şertên kontrola edlî, wek îmze dayîn li qereqolê û qedexeya derketina derveyî welat, hîn jî li ser wî didomin.
Koray Turkay, diyar kir ku ji bo belavkirina kovarekê ku sûc nîne, salek û nîv in rastî zextê tê. Turkay, destnîşan kir ku ev hewldaneke tirsandin û bêdengkirinê ye.
Turkay, di dawiyê de bal kişand ku kovarên weke ‘Jineolojî’, ‘Jiyana Ekolojîk’ û ‘Modernîteya Demokratîk’ kovarên qanûnî û rewa ne.
