Fermandariya Hêzên Parastina Jinê yên Rojhilatê Kurdistanê (HPJ), di salvegera duyemîn a şehadeta Ararat Bawer, Stêra Sîser, Tara Hewram, Arîn Qoser û Tolhildan Nûman de daxuyaniyeke nivîskî weşand. Di daxuyanîyê de hemû şehîdên rêya azadiyê bi rêzdarî hatin bîranîn û hate diyarkirin ku dê li ser xeta şehîdan têkoşîn were mezin kirin û armancên wan bêne pêkanîn.
Di daxuyaniya HPJ’ê de ev tişt hatin gotin, “Em di 2’yemîn salvegera şehadeta 5 hevrêyên jin de şehîd Ararat Bawer, Stêra Sîser, Tara Hewram, Arîn Qoser û Tolhildan Nûman bi bîr tînin. Di şexsê wan de hemû şehîdên şoreşê û têkoşîna aştî û civaka demokratîk bi rêz bi bîr tînin. Em soz didin ku li ser rêya şehîdan têkoşînê bidomînin û ji bo azadiya fîzîkî ya Rêber Apo bixebitin. Şehîdên me temînata jiyana azad in. Wan ji bo hebûn û azadiya gelê me bi fedakariyeke mezin têkoşîn kir û heta dawiyê li ber xwe dan.
Her 5 hevrêyên me di jiyana xwe de bûne nimûneya jiyana azad. Bi bawerî û têkoşîna xwe, di felsefeya ‘Jin, Jiyan, Azadî’ de pêşeng bûn. Wan bi ruh û hişmendiya jinê li ser erkên xwe sekinîn û heta dawiyê ji bo jiyana azad têkoşiyan.
Em wekî HPJ’ê soz didin ku li ser rêya van şehîdan têkoşînê mezin bikin. Têkoşîna me dê bi ruh û felsefeya jina azad berdewam bike û heta azadiya tevahî civakê bidome.
Di dawiyê de careke din em dibêjin ku, em ê xwedî li armanc û xeyalên şehîdên xwe derkevin û bi rêzdarî hemû şehîdên rêya azadiyê bi bîr tînin.”
