Festîvala Çand û Xwezayê ya Mûnzûrê ku îsal cara 24’emîn li Dersimê tê lidarxistin, bi, meşa ji Kolana Hunerê heta bi Qada Seyîd Riza destpê kir. Nûnerên gelek partiyên siyasî û rêxistinên civakî yên sivîl tevlî festîvalê bûn.
Bi navê Komîteya Amadekar a Festîvalê Umît Karabûlût di destpêk festîvalê de axivî û bal kişand ser girîngiya parastina bawerî, çand û xwezayê.
Serokê Dersimê yê YENÎ Partiyê Berkay Gundogan jî anî ziman ku projeyên madenê gefê li jiyana xwezayî ya herêmê dixwin û got, “Xwezaya me ne ya firotinê ye.” Gundogan her wiha di dosya Gulistan Dokû de careke din daxwaza edaletê kir.
Nûnerê Federasyona Yekîtiyên Dersimê ya Ewropayê 8ADBF) Alî Tacar jî diyar kir ku festîval ne tenê çalakiyeke çandî ye, parçeyek ji têkoşîna parastina bawerî, çand û ziman e.
Parlamentera DEM Partiyê ya Dersimê Ayten Kordû jî ji bo dosya Gulistan Dokû, kiryarên qeyûman û ‘rûbirûbûna bi heqîqetê’ re bang kir û got, “Li erdnîgariya me rastî hene ku rûbirûbûn bi wan re nehatiye kirin. Divê bi rûbirûbûnê rastî derkeve holê. Li hemberî siyaseta ‘bêgorhiştinê’ em dixwazin ku komîsyona heqîqetê bê avakirin.”
Festîval piştî axaftinan bi gerandina govendê dewam kir.
