Serokê Meclîsa Tirkiyeyê Nûman Kûrtûlmûş li Kastamonûyê li merasîmekê axivî, bal kişand ser qanûna çarçoveyê û got, “Deriyê serdema nû wê bi qebûlkirina vê qanûnê re heta dawiyê vebe.”
Kûrtûlmûş got, “Li Tirkiyeyê wê demeke nipînû ya xwişk û biratiyê destpê bike. Înşaleh wê êdî li çiya û deştên vî welatî dengê çekan û bombeyan neyê bihîstin. Li her goşeya vî welatî wê stranên li ser aştî, yekîtî, hevgirtin û xwişk-biratiyê bê gotin. Bi vê qanûnê re wê li Tirkiyeyê ti carî feraseta efûyeke giştî nayê danîn. Qanûn wê bi tespîtkirina fesixê re bikeve meriyetê.”
Kûrtûlmûş anî ziman ku di çareseriya meseleya Kurd de ew gihîştine qonaxa dawî û got, “Hêvîdar im ku bi lihevkirina hemû partiyên me em ê pêvajoya sererastkirina qanûnî bi cih bînin.”
Kûrtûlmûş got, “Meseleya muhîm ew e ku derî li demeke nû vebe. Di deriyên dema nû de cihê çekê nîne, cihê şer nîne, weke Akîf cih ji nîfakê re nîne. Ji cihêkariya ‘Tu Tirk e, ez Kurd im’ qet cih nîne. Cih ji nîqaş û cihêrengiya ‘Tu Elewî ye, ez Sûnî me’ nîne. Bi destûra Xwedê bi qebûlkirina vê qanûnê re deriyên dema nû wê heta dawiyê vebin, li Tirkiyeyê wê demeke nipînû ya xwişk û biratiyê destpê bike. Û weke ku min got, li Tirkiyeyê wê feraseteke efûya giştî neyê nîşandan.”
