Di daxuyaniya TJK-E’yê de hate destnîşankirin ku tevî 12 sal li ser fermanê re derbas bûne jî, êşa qirkirina gel û jinên Êzidî ya ku di 3’yê Tebaxa 2014’an de ji aliyê DAÎŞ’ê ve hatibû kirin hîn jî nû ye. TJK-E’yê, ev tawana ku di dîrokê de wekî “Fermana 74’an” hat tomarkirin, ne tenê li dijî gelê Êzidî, wekî tawaneke li dijî wijdana hevpar a hemû mirovahiyê pênase kir.
‘ARMANC TÊKBIRINA JIYANA PIR-RENGÎ BÛ’
TJK-E’yê, bal kişand ku êrîşên li ser Şengalê tenê ji bo dagirkirina xakê nebûn; armanc ew bû ku çand, bawerî û nasnameyên cuda yên Rojhilata Navîn tune bikin. Di daxuyaniyê de, hat destnîşankirin ku bedela herî giran jinan da û ev tişt hat gotin, “Bi hezaran jin hatin kuştin, êşkencekirin, hatin kolekirin û rastî tundiya zayendî hatin. Di sedsala 21’an de beden û wijdana mirovahiyê li sûkên koleyan hate firotin. Zihniyeta îslama siyasî û dijberê jinê, tundiya zayendî wekî çekeke şer bi kar anî.”
Di daxuyaniyê de, hate diyarkirin ku li dijî vê komkujiyê, ji bilî berxwedana hêzên azadiya Kurd, ne rêveberiyên herêmî û ne jî hêzên navneteweyî di dema xwe de gavên bi bandor neavêtin. TJK-E’yê, destnîşan kir ku civaka Êzidî ji ber berjewendiyên siyasî bi tenê hate hiştin û ev bêdengî ketiye rûpelên şermê yên dîrokê.
‘HÎN JÎ ÇARENÛSA 2 HEZAR Û 700 JIN Û ZAROKAN NAYÊ ZANÎN’
TJK-E’yê got, “Hîn jî çarenûsa nêzî 2 hezar 700 jin û zarokên Êzidî nayê zanîn. Tevî ku bi salan li ser re derbas bûn jî edalet pêk nehat û sûcdaran hemûyan hesap nedan. Hewldana bi nasnameya siyasî rewakirina kesên ku li dijî mirovahiyê tawan kirine ticarî nayê qebûlkirin. Cil û bergên fermî nikarin tawanên hatine kirin veşêrin.
‘ÇARESERÎ JIYANA EKOLOJÎK Û AZAD E’
Li dijî van hemû êrîşan, kesên ku berxwedan meşandin di serî de jinên Êzidî, gel û têkoşîna azadiya jinê bûn. Xwerêxistinkirin, xweparastin û îradeya azad a jinan bû bersiva herî bi hêz a li dijî vê tarîtiyê. Zihniyeta qirkirinê û dijberê jinê, ne li Şengalê û ne jî li tu cîhekî cîhanê nikare têkoşîna azadiya jinan teslîm bigire.
Pêkhatina jiyaneke wekhev, azad û demokratîk li ser bingeha hebûna gel, bawerî û çandên cuda, tenê bi aştiyeke mayînde misoger dibe.
Di salvegera 12’emîn a Fermana 3’yê Tebaxê ya Şengalê de em kesên jiyana xwe ji dest dane bi hurmetî bi bîr tînin; em careke din daxwaz dikin ku çarenûsa jin û zarokên winda zelal bibin, sûcdar li ber hiqûqa navneteweyî bên darizandin û edalet bi cih bê. Heta ku edalet neyê cih, çarenûsa windahiyan dernekeve holê û kesên li dijî mirovahiyê suç kirine hesap nedin, birîna Şengalê dê neyê kewandin.
Me Şengal ji bîr nekiriye û em ê nedin jibîrkirin. Têkoşîna me ya edalet, rastî û azadiyê dê berdewam bike.”
BAJARÊN KU DÊ ÇALAKÎ LÊ WERIN LIDARXISTIN
Dem û cihên çalakiyan ên ku dê bi boneya salvegera Fermana 3’yê Tebaxê ya Şengalê bên lidarxistin ev in:
VIYANA
Bîranîn û nîşandana fîlm
Dem: 1’ê Tebaxa 2026
Saet: 18:00
Cih: Mala Zerim, Goldschlagstr. 99
CHUR
Nîşandana Sînevîzyonê
Dem: 2’ê Tebaxa 2026
Saet: 14:00
Cih: Kulturpark, Planaterasse. 11
ZURICH
Nîşandana fîlm
Dem: 2’ê Tebaxa 2026
Saet: 15:00
Cihe: Komel, Steinwiesenstr. 1
HAMBURG
Bîranîn
Dem: 2’ê Tebaxa 2026
Cih: ST. Pauli Stadium, Budapesterstr.
LUZERN
Bîranîn
Dem: 3’ê Tebaxa 2026
Saet: 14:00
Cih: Pauluskirche, Moosmattstr.2
BERN
Bîranîn
Dem: 3’ê Tebaxa 2026
Saet: 15:00
Cih: Komel
PARIS
Daxuyaniya çapemeniyê
Dem: 3’ê Tebaxa 2026
Saet: 19:00
Cih: Gare Villiers Ke Bele
DRANCY
Bîranîn
Dem: 3’ê Tebaxa 2026
Saet: 17:00
Cih: Komel
MARSILYA
Bîranîn
Dem: 3’ê Tebaxa 2026
Saet: 10:30
Cih: Viex-Port
WESEL
Bîranîn
Dem: 3’ê Tebaxa 2026
Saet: 11:00
Cih: Ackerstr.242
STUTTGART
Bîranîn
Dem: 3’ê Tebaxa 2026
Saet: 17:30
Cih: Schlossplatz
LIEGE
Bîranîn/Mîtîng
Dem: 3’ê Tebaxa 2026
Saet: 17:00
Cih: Gare Guillemins
