Kolbernewsê bi raporekê ragihand ku kolber Madih Kirmanî yê xelkê bajarê Merîwan ê Rojhilatê Kurdistanê, li sînorê Başmaxê di gulebarana hêzên çekdar ên rejîma Îranê de hate qetilkirin.
Hate diyarkirin ku gule li serê Madih Kirmanî ketiye, piştî bûyerê hêzên rejîma Îranê cenazeyê wî ber bi cihek nediyar ve birine. Malbata kolberê hate qetilkirin, sê rojan ti agahî ji çarenûsa Madih Kirmanî nekarî bigirin.
Li gorî heman agahiyan, doh hêzên rejîma Îranê peywendî li gel malbata Madih Kirmanî danîne û ragihandine ku ji bo wergirtina cenazeyê Madih Kirmanî serdana nexweşxaneya Bû Elî ya li bajarê Merîwanê bikin.
Madih Kirmanî xelkê gundê Xêrawa û niştecihê bajarê Merîwanê bû. Madih zewicî û bavê du zarokan bû.
Li gorî bîlançoya Kolbernewsê di nava sala bihurî bi giştî 57 kolber li navçeyên sînorî û rêyên navbera parêzgehên Ûrmiye, Sine û Kirmaşanê de bûn qurbanî.
