Sosyalîstên ku beriya civîna bilind a NATO’yê hatin binçavkirin û bi rengekî nehiqûqî hatin girtin, bi kêfî têne ragirtin. Umît Çobanoglû ku yek ji wan e, piştî ragirtineke demdirêj di encama berxwedana greva birçîbûnê ya li dijî girtîgehên bi tîpa bîrê de hate berdan, lê belê piştî 6 mehan careke din hate girtin û ew xistin Girtîgeha bi Hejmara 2’emîn a Marmarayê ya li Sîlîvriyê. Umît Çobanoglû nameyek ji ANF’ê re axivî û diyar kir ku ji ber qala girtîgehên bi tîpa bîrê kir hate girtin.
Umît Çobanoglû di nameya xwe de got, “Tenê 6 mehan karîbûm li derve bimînim. Ji ber ku 200 rojî di greva birçîbûnê de bûm ji van 6 mehan 3 meh bi tedawiyê derbas bûn. Xuya ye 3 mehên mayî jî ji bo girtina min têrê kiriye.”
Çobanoglû diyar kir ku beriya civîna bilind a NATO’yê mamoste, karîkaturîst, doktor û parêzer jî di nav de li gel wî 16 kes hatin girtin. Çobanoglû ragihand ku dosyayên kesên bi wî re hatin girtin vitîvala ye û axaftina xwe bi vî rengî dewam kir, “Mînak; roportajeke min a li ser rewşa Gurkan Turkoglû, Huseyîn Ozen û Tahsîn Sagaltici yên il Girtîgeha Tîpa Bîrê ya Antalyayê ketin greva birçîbûnê, tevlîbûna min a li daxuyaniyeke çapemeniyê ya ji bo kedkarên Grûp Yorûm û hevalên min ên li dijî mercên tecrîdê yên li Girtîgeha bi Hejmara 6’an a Marmarayê di greva birçîbûnê de hebûn, her wiha beşdariya min a li daxuyaniya çapemeniyê ya ji bo Tûgçenûr Ozbay a li dijî qerta nasnameyê ya sûcdar di greva birçîbûnê de bû, ji ber ku di tûrnûvaya futbolê ya li dijî narkotîkê de min lîst û li ser NATO’yê nivîsek nivîsî î karîkatur çêkir ji bo girtina min têrker hate dîtin. Xuya ye fikirîn e ku yên li dijî girtîgehên bi tîpa bîrê û narkotîkê ne di heman demê de li dijî NATO’yê ne, lewma dikare NATO’yê şermezar bike. Bi rengekî yekser ji min re dibêjin bêdeng be, têkildarî tîpên bîrê neaxive, nenivîse, xêz neke naxwe Sîlîvrî. Li Girtîgeha bi Tîpa Bîrê ya Antalyayê ku sê hevrêyên min ên ku em bi hev re di greva birçîbûnê de bûn ber bi mirinê ve diçin, ez çawa dikarim bêdeng bimînim? Ji xwe rewşa Gurkan Turkoglû yê di greva birçîbûnê de giran bû û jiyana xwe ji dest da. Xwezî şensê min hebûya ku min karîbûya hîn bêhtir vebigota, dibe ku wê demê daxwaz zûtir bihata qebûlkirin û Gurkan niha di nava me de bû.”
