Şandeyê di daxuyaniya xwe de ev tişt parve kir: “Îro me li Girtîgeha Edîrneyê serdana Hevserokê Giştî yê HDP’ê yê berê Selahattîn Demîrtaş û Hevşaredarê Bajarê Mezin ê Amedê yê berê Adnan Selçuk Mizrakli kir.”
Daxuyanî wiha dewam kir: “Moralê hevalên me bilind bû û silavên xwe ji her kesî re şandin. Gotin; heta ku şert û mercên girtîgehê destûrê dide wan ew pêvajoyê ji nêz ve dişopînin.
Di hevdîtinê de me têkildarî qanûna çarçoveyî û pêşketinên di pêvajoyê de agahî dane hevalên xwe; me nirxandin û pêşniyarên wan wergirtin.
Hevalên me anîn ziman ku ji ber qanûna çarçoveyê bi piştgiriyek mezin ji meclisê derbas bûye pir bi qîmet e û ew di wê baweriyê de ne ku ji bo pêkanîna wê berpirsyariya dikeve ser milên aliyan wê pêk bînin. Her wiha destnîşan kirin ku ji bo pêşveçûna pêvajoyê tevkariya her kesî pir girîng e.
Wekî ku em her tim tînin ziman, divê hevalên me êdî saetekê jî ji azadiya xwe bêpar nemînin. Ev yek hem pêwîstiya edaletê û hem jî xwezaya pêvajoyê ye.
Ji bo bêhiqûqiya ku bi salan e Demîrtaş û siyasetmedarên din ên di girtîgehê de ne ji holê rabe, bi taybet jî di vê serdema nû ya ku bi qanûna çarçoveyî deriyê wê hatiye vekirin de pêwîstiya her kesî bi avakirina aştî û demokrasiyê heye.
