Serokê DYE’yê Donald Trump li ser berhemên ku ji Kanadayê tên anîn û nirxê wan nêzîkî 20 milyar dolar e, ji sedî 50 bacê gumrikê danî. Hat diyar kirin ku ev bac dê ji 25’ê Tebaxê pê ve bikevin meriyetê. Piştî ku muzakere bêencam man, Kanadayê jî biryara bersivdanê da.
Serokwezîrê Kanadayê Mark Carney, ragihand ku dê hûrgiliyên bacên bersivdanê di rojên pêş de werin eşkerekirin. Carney, da zanîn ku kerta pola, berhemên şîr, amûrên malê, alavên çandiniyê, kaxez û kerta elektronîkê dê ji van bacan bandor bibin û diyar kir ku daxwazên DYE’yê ewqas giranin ku naye qebûlkirin.
Hat destnîşankirin ku siberoja rêkeftina bazirganiyê ya Emerîkaya Bakur a di navbera DYE, Kanada û Meksîkoyê de jî ketiye metarsiyê. Carney, rêveberiya Trump ji vê rewşa rêkeftinê berpirsiyar girt û anî ziman ku guherînên deqeya dawî yên DYE’yê ne adil û ne jî aborî bûn û got ku baweriya bi rêkeftinê xistin nava fikaran.
