Hevseroka MSD’ê Leyla Qereman çû serdana konê sersaxiyê yê şervanê Hesekê Sîpan Hesekê ku di 10’ê Îlonê de ji aliyê komeke çekdar ve hate revandin û piştre hate qetilkirin. Leyla Qereman di bin konê sersaxiyê de axivî.
Leyla diyar kir ku kes dê nikaribe mafên Kurdan bêbandor bike yan jî daxwazên wan ên azadiyê bêdeng bike.
Her wiha bang kir ku pêşî li hewldanên ji bo gurkirina fitneyê di navbera pêkhateyên herêmê de were girtin û aştiya sivîl were parastin.
Di derbarê mijara entegrasyonê de, Leyla Qereman got, “Entegrasyon nayê wateya bidawîkirina hebûna Kurdan. Ziman beşek ji hebûn û nasnameya me ye û em ê dev ji vê daxwazê bernedin.”
