Bi sedan xwendekarên dibistanên Sereteyî, Navîn û Amadeyî, ji dibistanên xwe, bi şêweyê 5 kortejan ber bi Qada 4’ê Nîsanê ve meşiyan.
Xwendekaran wêneyên Rêber Apo, pankartên bi nivîsên “Bê ziman jiyan nabe” û “Zimanê me nasnameya me ye” hatin bilind kirin û dirûşmeyên “Bijî Serok Apo” û “Bê ziman jiyan nabe” berz kirin.
Dema ku girseya meşê gihîşte Qada 4’ê Nîsanê li vir deqeyek rêz girt û piştre metna daxuyaniyê ji aliyê xwendekar Qeder Apaydin ve hate xwendin.
Di daxuyaniyê de qala polîtîkayên qirkirinê yên hêzên hegomonîk ên li dijî gelê Kurd hate kirin û hate destnîşankirin ku gelê Kurd ji bo parastina nirxên xwe yên pîroz her tim bi berdêlên giranbûha têkoşîn meşandiye.
Di daxuyaniyê de ev tişt jî hate gotin: “Em bang li hemû partî û rêxistinên her çar parçeyên Kurdistanê û rewşenbîran dikin, berpirsyariyên xwe ji bo azadiya Gelê Kurd û Kurdistanê pêk bînin. Li dijî vê bêmafiya li hemberî gelê Rojavayê Kurdistanê tê kirin, bêdeng nemînin û li berpirsyariyên xwe yên demê xwedî derkevin. Her wiha em bang li rêveberiya Sûriyeyê jî dikin û dibêjin; Dest ji wê hişmendiya xwe ya înkara Kurd berdin. Hûn ê bi vê hişmendiya xwe ya qirêj ti caran bi ser nekevin. Divê mafê herî rewa yê perwerdeya zimanê dayikê nas bikin.”
