Rojnameya Komînal di hejmara meha Mijdarê de belgeya Rêber Apo ya bi sernavê “Komara Demokratîk, Entegrasyona Demokratîk” parve kir. Rojnameyê sernava 12 rûpelî di manşetê de weşand.
Di belgeya entegrasyonê ya ku ji 5 beşan pêk tê de, ev sernav hene:
Çarçoveya ramanî
Komara Demokratîk û esasen avakirinê
Komara Tirkiyeyê
Entegrasyona Demokratîk
Li Rojhilata Navîn Çareseriya Entegrasyonîst a Demokratîk û Kurd
Rêber Apo bi pirsa “Çima entegrasyona demokratîk?” dest bi belgeye dike û çarçoveya ramanî dinirxîne. Rêber Apo diyar dike ku entegrasyona demokratîk, komara demokratîk û ramanên civaka demokratîk kilîda derketina ji krîzê ne û destnîşan dike ku ev arguman ji bo hemû pêkhateyên civakî amûrên çareseriyê ne.
Rêber Apo îfade dike ku entegrasyona demokratîk berhemê vê fikratê ye û di warekî de jî zindîbûna netewa demokratîk e. Rêber Apo komara demokratîk jî weke çêkera dewletê ya ku entegrasyona demokratîk mumkin dike, pênase dike.
Di belgeyê de ji diyalog heta cudahiya hêzên muzakereyê, ji bingehê zagona bingehîn heta demokrasiya parlamenter, ji azadiya fikrî heta azadiya jin û zayendî û pîvanê ekolojîk di bin gelek sernavan de dahûrandinên berfireh hene.
‘RÊBER APO DIVÊ BIGIHIJE ŞERT Û MERCÊN XEBAT Û JIYANA AZAD’
Di rojnameyê de nirxandina siyasî ya mehane jî ji aliyê Mustafa Karasu ve tê kirin. Rojname nivîsa Mustafa Karasu ya bi sernavê “Eger dewleta Tirk gav bavêje, wê pêvajo pêş bikeve” diweşîne. Karasu ji xeynî geşedanên siyasî yên li Kurdistan û Tirkiyeyê, protestoyên li bajarên Ewropayê jî dinirxîne û qala tengasiyên sîstema kapîtalîst kir.
Karasu bi bîr xist ku Tevgera Azadiyê ya Kurd ji bo pêşketina Pêvajoya Aştî û Civaka Demokratîk, gavên dîrokî û radîkal avêtine û diyar kir ku di qonaxa ji vir û şûnde dewlet divê gav bavêje.
Karasu destnîşan dike ku Rêber Apo divê bigihije şert û mercên xebat û jiyana azad û ragihand ku çareseriya pirsgirêka Kurd ji demokratîkbûna Tirkiyeyê cuda nayê nirxandin. Karasu îfade kir ku siberoja pêvajoyê êdî girêdayî gavên şênber ên dewleta Tirk e.
SALA 49’AN A PKK’Ê
Rojnameya ku vê mehê weke 32 rûpelan tê weşandin, di rûpelên xwe yên din de qala PKK’ê û nirxên wê û mîrateya têkoşînê de. Komînalê di vê çarçoveyê de beşa “Cih û rola PKK’ê ya di dîrokê de” ya Manîfestoya Civaka Komînal a Demokratîk parve kir. Di rojnameyê de her wiha nivîsên Duran Kalkan, Şerda Mazlum Gabar, Şiyar Amed û Sînan Şahîn jî hene.
Endamê Akademiya Zanistên Civakî ya Abdullah Ocalan, Duran Kalkan di çarçoveya sala 49’an a PKK’ê de nivîseke bi sernavê “Ronahiyeke ku nayê vemirandin” dinivîse. Kalkan têkoşîna azadiyê ya nîv sedsalê û veguherîna wê ya civakî nirxand.
Şerda Mazlum Gabar jî bi nivîsa xwe ya “Tevlîbûna jinan a ji bo têkoşînê, hêza têkneçûyînê ye” bal kişand ser cîhana nû ya li dora jinên Kurd ava bûye û ev tişt îfade kir: “Gotineke herî biçûk û kedeke herî biçûk jî ya ku jinê ji bo azadiyê raber kiriye, pir bi nirx e.”
‘PKK EVÎN E’
Şiyar Amed jî di nivîsa xwe ya “PKK roman, helbest û straneke bêdawî ye…” de dîroka PKK’ê ya 49 salan bi zimanekî wêjeyî nirxand. Amed PKK weke “evînek” nirxand.
Yek ji nivîskarên rojnameyê Sînan Şahîn jî di nivîsa xwe ya bi sernavê “Di Têkoşîna Azadiyê ya Kurdistanê de Enternasyonalîzm” de nasnameya enternasyonal a PKK’ê nirxand.
Rojnameya Komînal cih da helbesta “Kîme ez” a Cegerxwîn jî.
