Daxuyanî piştî şerê hefteya derbasbûyî yê bi Tehrîk-e-Talîban Pakistan (TTP) hate dayin ku di wî şerî de zêdeyî 20 leşker û paramîlîter hatin kuştin.
Artêşa Pakistanê diyar kir ku li ser sînorê xwe yê bi Efganistanê re di nava 24 saetên dawî de 31 endamên Talîbanê yên xwecihî hatin kuştin.
Îslamabadê ragihand ku TTP xwe li Efganistanê bi cih kiriye, lewma rêveberiya Qabûlê hişyar kir û gef xwar ku koçberên Efgan dersînor bike. Rayedaran her wiha îdîa kir ku tundiya li herêmê ji ber milîtanên bi piştevaniya Hindistanê rû dide.
Ji ber ku çavkaniyên serbixwe nikarin xwe bigihînin herêmên sînor, hejmara windahiyan nikare bê piştrastkirin.
Li gorî daneyên Ajansa Nûçeyan a Fransayê (AFP) ji 1’ê Çileyê û vir ve nêzî 460 endamên hêzên ewlekariyê di êrîşan de hatin kuştin. Di sala 2024’an de zêdeyî 1.600 kes hatin kuştin.
