Konferans bi navê “Helwesta Hevpar û Yekrêziya Rojavayê Kurdistanê” tê lidarxistin.
Li gorî Komîteya Amadekar wê zêdeyî 400 kes tevlî bibin.
Di serî de partiyên siyasî yên Kurd ên li Rojava, rêxistinên jin û ciwanan, rewşenbîr, nivîskar, hunermend, oldar û rûspiyên civakê, her wiha kesayetên Kurd ên ji Şam, Heleb, Hama, Bab û Ezazê jî wê beşdar bibin.
Ji Başûr û Bakurê Kurdistanê jî wê nûnerên partiyên siyasî beşdarî konferansê bibin. Her wiha ji Rojhilatê Kurdistanê û derveyî welat jî wê peyam bêne dayin.
Ji zêdeyî 60 saziyên çapemenî û weşanê nêzî 200 rojnamevan wê konferansê bişopînin.
Konferans wê 26’ê Nîsanê saet di 10:00 de bi hilbijartina dîwanê destpê bike.
Axaftina destpêkê jî wê ji aliyê Fermandarê Giştî yê QSD’ê Mazlûm Ebdî ve bê kirin.
Piştî xwendina peyaman û axaftina mêvanan konferans wê li çapemeniyê girtî dewam bike.
Di beşa girtî ya konferansê de wê pêşnûmeya li ser helwesta hevpar û yekîtiyê ya berê ji aliyê partî, rêxistin û kesayeta ve hatiye amadekirin bê nirxandin û rengê wê yê dawî bê dayin û pejirandin.
Dawiya rojê jî encamên konferansê wê bi encamnameyê ji raya giştî re bêne ragihandin.
