Li gorî daneyên Rêxistina Tenduristiyê ya Cîhanê (RTC) û UNICEF’ê di sala 2025’an de 13,5 milyon zarok di sala destpêkê ya jiyana xwe de nehate derzîkirin.
Li gorî Texmînên Çarçoveya Parastina Bedena Mirovan a Neteweyî (WUENIC) ku ji aliyê RTC û UNICEF’ê ve hate weşandin, di sala 2025’an de ji sedî 90 ê pitikan herî kêm dozek ji derziya difteri-tetanoz (DTP) wergirt, ji sedî 85 jî hersê dozên wê wergirt. Li gel vê yekê 13,5 milyon zarokan ti ji derzî nedîtin, 7,3 milyon zarok li gel doza destpêkê ya derziya DTP’ê jî derziya sorikê li wan nehate xistin.
Li gorî raporê zêdeyî nîvê zarokên ji derzîkirinê bêpar mane li wan herêman dimînin ku aramiya siyasî lê nîne, şer lê diqewime û ji ber kêmaniya fînansmanê xizmetên tenduristiyê lê têrker nîne.
Endama Koma Piştevaniya Tenduristiya Ciwanan a Global a UNICEF’ê û doktora li qada tenduristiya dayik-zarokan a li Somali dixebite doktor Sagal anî ziman ku bi taybetî li welatê wan zarokên li herêma şer dimînin ji xizmetên tenduristiyê bêpar dimînin.
Sagal diyar kir ku piraniya zarokên derzî li wan nehatiye xistin li wan herêman e ku pirsgirêka ewlekariyê lê heye û xwegihandina wan deveran zehmet e. Her wiha anî ziman ku ev zarok bi pirsgirêka xwarina kêm, bidestnexistina xizmetên tenduristiyê û kêmasiya piştevaniya civakî re rû bi rû ne.
Sadal bi dewamî ragihand ku ji be ragahiyên şaş malbat nahêlin derzî li zarokên wan bê xistin.
Endamê Koma Piştevaniyê ya UNICEF’ê Johao jî anî ziman ku li Amazonên Ekvadorê li nava civakên xwecihî û qadên bejahî zarok li heman pirsgirêkan rast tên.
Johao diyar kir ku kêmasiya di binesaziya ragihandinê û xwegihandina xizmetên tenduristiyê de li pêşiya kampanyayên derzîkirinê astengiya herî mezin e. Her wiha raighand ku agahiyên şaş baweriya malbatan a bi sîstema tenduristiyê lawaz dike.
Ji dîrektorên UNICEF’ê Cahterine Russell got, “Divê mirov xwe bigihîne her zarokî û li cihên ku bawerî lawaz bûye ev yek jinûve bê avakirin. Ti zarok divê ji ber nexweşiyeke ku bi derzîkirinê dikare pêşî lê bê girtin divê êşê nekişîne.”
