Li Tirkiyeyê di encama siyaseta desthilatdariyê ya bêceza ya li hember kuştina jinan de ya sala 2025’an, tabloyek xeternak derxist holê. Rapora ku ji hêla Platforma Em ê Cînayetên Jinan Rawestînin (KCDP) ve hat weşandin, nîşan dide ku di sala 2025’an de êrîşên li dijî jinan zêde bûne û dewam dike.
Rapor, bal kişand ser zêdebûna mirina jinan ku wekî xwekuştin û qeza hatine qeyd kirin. Mirinên bi guman ku di sala 2024’an de 259 bû, di sala 2025’an de ev hejmar derketiye 297’an.
Li gorî raporê, ji 294 kuştinên jinan, herî kêm 23 jin tevî ku biryara parastinê hebûn hatine kuştin; 17 jin ji aliyê hêzên ewlehiyê ve hatine kuştin.
69 jin ji ber sedemên wekî redkirina hevberdanê, lihevhatinê, an zewacê; 29 ji ber sedemên aborî û 196 ji ber sedemên din ên nayên zanîn ve hatine kuştin.
Piraniya kuştinan ji aliyê mêr ên malbatê ve hatine kirin.
