Wezîrê Parastinê yê DYE’yê Pete Hegseth ragihand ku DYE wê hebûna xwe ya leşkerî ya li Ewropayê ji nû ve binirxîne. Pete Hegseth di civîna wezîrên parastinê yên welatên endamên NATO’yê de axivî û diyar kir ku dibe pêvajoya lêkolînê heya şeş mehan dewam bike.
Wezîrê Parastinê yê DYE’yê Pete Hegseth anî ziman ku piştî bidawîbûna Şerê Sar NATO’yê berê xwe şaş kiriye û got, divê tifaq ji nû ve girêdayî kapasîteya leşkerî û pêxîmkeriyê were şêwandin. Hegseth ev nêzîkatî weke ‘’Nato 3.0’’ pênase kir.
WÊ HEBÛNA EMERÎKAYÊ KÊM BIBE
Rêveberiya Washingtonê armanc dike u di encama lêkolînê de hebûna xwe ya leşkerî ya li Ewropayê kêm bike. Li gorî plana Pentagonê pêvajo wê di çarçoveya Kongreya DYE’yê û hevdîtinên li gel welatên hevalbend de were birêvebirin.
NATO’YÊ TEMÎNAT DA
Sekreterê Giştî yê NATO’yê Mark Rutte jî anîziman ku biryara DYE’yê wê kapasîteya parastina tifaqê lawaz neke. Rutte diyar kir ku mekanîzmaya parastina kolektîf a NATO’yê di dewrê de ye û got ku li hemberî êrîşeke muhtemel DYE jî di nav de wê hemû hevalbend berpirsiyariyên xwe bi cih bînin.
Lê belê Rutte qebûl kir ku kêmbûna têkariyên DYE’yê ya muhtemel ji aliyê plansaziyên leşkerî yên NATO’yê yên pêşerove ve divê li ber çavan bê girtin.
EWROPA LÊÇÛNÊN PARASTINÊ ZÊDE DIKE
Sekreterê Giştî yê NATO’yê diyar kir ku welatên Ewropayê û Kanadayê di sala 2025’an de lêçûnên xwe yên parastinê li gorî sala borî 90 milyar dolar zêde kirine.
Tê payîn ku plana DYE’yê ya kêmkirina hebûna xwe ya leşkerî ya li Ewropayê wê di Civîna NATO’yê ya ku wê hefteyên li pêşiya me li Enqereyê were lidarxistin de bibe yek ji girîngtirîn rojeva civînê.
