Tora Mafên Mirovan a Kurdistanê diyar kir ku Îbrahîm Mûhammedî yê ji bajarê Sine yê Rojhilatê Kurdistanê li hucreya yek kesî tê ragirtin.
Di daxuyaniyê de hate gotin, girtî li hemberî ragirtina bi kêfî û zexta hêzên dewletê ya li malbata wî li hucreyê 8 roj in di greva birçîbûnê de ye.
Îbrahîm Mûhammedî ku di Çileya 2023’an de li bajarê Sine ji aliyê hêzên dewleta Îranê ve hate binçavkirin bi sûcdariya ‘çalakiya li dijî dewletê’ salek cezayê girtîgehê lê hatibû birîn.
Li gorî daneyên Tora Mafên Mirovan a Kurdistanê ji destpêka sala 2025’an û vir ve zêdeyî 166 Kurd ketin ber lêpirsînê û gelek jê hatin binçavkirin.
