ILO ragihand ku xeteriyên psîkososyal ên li cihên kar di asta kûreyî de, veguheriye krîzeke tenduristiyê ya gel. Li gorî rapora ku beriya Roja Tenduristî û Ewlehiyê ya Kar a Cîhanê hatî weşandin, ji ber stres, mobbîng, saetên dirêj ên kar û bêewlehiya kar her sal nêzî 840 hezar kes jiyana xwe ji dest didin.
Di rapora bi sernavê “Ji aliyê psîkososyal ve cihê xebitînê: Geşedanên kûreyî û rêyên çalakiyê” de, hate diyarkirin ku beşekî mezin ê van mirinan ji ber nexweşiyên dil-damar û nexweşiyên ruhî çêdibin. ILO di raporê de ji daneyên Rêxistina Tenduristiyê ya Cîhanê (DSO) jî sûd wergirt.
Di raporê de 5 xeteriyên esas ên girêdayî jiyana kar, derketin pêş: Stresa zêde, saetên pir dirêj ên xebitînê, tacîz û tundî, nebûna hevsengiyê ya ji bo pêşwazîkirina kedê û şert û mercên xebata bêewle.
Di raporê de bang li hikûmet û karsazan hate kirin ku hîn bi rêkûpêktir daneyan kom bikin, hevkariya navbera saziyên tenduristiyê yên kar û sendîkayan xurt bikin û rêveber têkildarî xeteriyên psîkososyal hîn bi hestiyartir tevbigerin.
