Berdevkê Wezareta Karên Derve Îsmaîl Bekayî di daxuyaniya xwe de got, “Rêveberiya DYE’yê ya nû, hewl dide bazirganiya aborî ya qanûnî ya bi hevkarên Îranê re asteng bike û bi vê yekê re zext li ser neteweya Îranê pêk bîne. Ev pêkanîn, ne rewa ne, dijî qanûnê û bêbingeh in.”
Berdevk, destnîşan kir ku tedbîra DYE’yê “Bi temamî ne rewa ye û li dijî rêgezên navneteweyî ne.”
Roja Pêncşemê Wezareta Xezîneyê ya DYE’yê li hemberî toreke navneteweyî ku sewqiyeta bi mîlyonan bermîlên petrola xam a Îranê ji bo Çînê pêk dianî, cezayîn malî birî.
Di nava sazî û kesên hatine cezakirin de Sepehr Energy jî heye. Çend heb tankerên petrolê û şîrketên ku van kirê dikin di hedefê de ne.
Serokê DYE’yê Donald Trump, ev ceza piştî îdîayên ku Îran jinûve çekên nuklerî hildibirîne, xist meriyetê.
Îranê ji nûve ferzkirina vê siyasetê, ku Trump di dema xwe ya yekemîn (2017-2021) de jî li dijî Tehranê pêkanî bû, şermezar kir û diyar kir ku dewamkirina vê siyasetê wê bi ‘têkçûnê’ bi encam bibe.
Serokê DYE’yê Trump roja Çarşemê careke din destnîşan kir ku “Îran wê nebe xwedî çekên nuklerî.”
Îran israr dike ku bernameya wê ya nukleerî tenê ji bo armancên aştiyane tê meşandin û sûcdariyên ku niyeta wê ya pêşxistina çekên atomî heye red dike.
