Ji bo neviyê Şêx Seîd, endamê Kongreya Neteweyî ya Kurdistanê (KNK) û Hevşaredarê berê yê Xinûsê Hasan Basrî Firat ku li bajarê Wuppertal ê Elmanyayê li nexweşxaneyê jiyana xwe ji dest da, wê li bajarê Dortmund ê Elmanyayê merasîm bê lidarxistin.
Merasîm wê bi pêşengiya KNK û Kongreya Civakên Demokratîk ên Kurdistaniyên li Ewropayê (KCDK-E) bê lidarxistin û tê payin ku nûnerên saziyên Kurdan ên li Ewropayê, siyasetmedarên Kurd ên li sirgûnê û gelek Kurdistanî beşdar bibin.
Cenazeyê Hasan Basrî Firat wê sibe ji nexweşxaneyê bê wergirtin û piştî merasîma li Dortmundê wê ber bi warê wî gundê Kolhisar ê navçeya Xinûs a Erzîromê ve bê şandin ku lê bê veşartin.
Merasîm wê li navnîşana “Auf dem Brümmer 1, 44149 Dortmund” li salona Gala Eventhalleyê bê lidarxistin.
