KOMAW’ê got, “Em di salvegera Berxwedana Rojiya Mirinê ya Mezin a 14’ê Tîrmehê de ne ku di têkoşîna rûmet û azadiyê ya gelê Kurd de xaleke werçerxê bû. Em Kemal Pîr, Mehmet Hayrî Dûrmûş, Alî Çîçek û Akîf Yilmaz bi hurmet, hezkirin û minet bi bîr tînin.”
Di daxuyaniyê de bi dewamî hate gotin, “Ev îradeya ku di sala 1982’an de li dijî ferzkirina teslîmiyet û hovîtiya li Girîgeha bi Tîp E ya li Amedê bedena xwe dan ber birçîbûnê û tarîtî belav kir, îro kevirê herî xurt ê bingehîn ê têkoşînê ye. Xeta fedaîtiyê ku wan bi canê xwe diyar kirin ne tenê berxwedanek e; di heman demê de manîfestoya vejînê ya gelekî ye ku serî natewîne.
Bi navê Saziya Malbatên Şehîdan (KOMAW) em radigihînin ku jiyan, ruhê fedaî û biryardariya van lehengan wê yekane rêberê me be. Parastin û mezinkirina mîrateya pîroz a wan ji b me malbatên şehîdan berpirsyariyeke dîrokî ya herî bingehîn e.
Dem derbas bibe jî êşa me weke roja destpêkê teze ye, hêrs û baweriya me weke wê rojê zindî ye. Navê celadan li nava sergoyê dîrokê winda bû, lê Kemal, Hayrî, Alî û Akîf wê her tim di dilê gelê Kurd, têkoşîn û siberoja azad de bin.
Em bi rêzdarî bejna xwe li ber bîranîna wan ditewînin û soza xwe dubare dikin ku bibin şopdarê sekna wan a bi biryar.”
