Heyet Tehrîr El Şam (HTŞ) û komên ser bi wê ve di 13’ê Tîrmehê de êrîş birin ser bajarê Siwêda yê li Sûriyeyê ku piraniya şêniyên wê Durzî ne.
Têkildarî êrîşan ku bi hezaran kesî jiyana xwe ji dest dan, bi hezaran kes jî ji cih û warê xwe bûn, her roj belge, dîmen û wêneyekî nû derdikeve. holê.
Li gorî nûçegihana Jinha’yê, mêvanxaneyeke malbata ‘El Bedr’ bû cihê komkujiyeke hovane ya van êrîşan. Komên çekdar ên ku nîşaneya Wezareta Karên Hundir a hikumeta demkî ya Şamê li ser wan bû, gelek sivîl li vê derê qetil kirin.
Di dîmenan de cenaze têne dîtin ku li mêvanxaneyê avêtine ser hev. Hate ragihandin ku 2 kesan jî xwe li mirîbûnê danîn û bi vî rengî rizgar bûn. Vê komkujiya li mêvanxaneyê asta binpêkirinan a li Siwêdayê careke din raxist pêş çavan.
