Zext, girtin û êşkenceyên dewleta Îranê ya beramberî jinên azadîxwaz berdewam in. Di heman çarçoveyê de li bajarokê Ciwanroyê Zeytûn Kehzadî ku midûra Dibistana Seretayî ya Keçikan a Firdewsî ye û ji heman dibistanê mamosta Mehrî Xurewîzade, ji ber ku komeke xwendekarên dibistanê sirûda şoreşger a ‘Riya xebatman’ û ‘Min Bi Tenê Nehêle’ gotin, ji aliyê saziyên ewlehiya Komara Îslamê ya Îranê ve ji peywirê hatin girtin. Her wiha rayedarên Wezareta Perwerdeyê, cezayekî din jî lê birîn, her meh ji mehaneya wê 4 milyon tumen hatiye birîn.
Xwendekar û mamostayên dibistanek a bajarokê Ciwanro piştevaniya xwe ji bo her du mamostayên ku li dibistana Firdews a keçan bi hinceta gotina sirûda neteweyî ji pîşeyên wan hatine durxistin, nîşan dan.
Li dibistana Bahner a li bajarokê Ciwanro ser bi parêzgeha Kirmanşan a Rojhilatê Kurdistanê xwendekar û mamostayên Kurd bi gotina sirûda azadiyê carek din yekitî û nerazîbûna xwe li dijî tepeserkirina mamostayên Kurd ji aliyê dewleta Îranê ve dubarekirin.
Her wiha mamosta û xwendekaran tepesekirin û nedadperweriya beramberî dibistana keçikan a Firdewsê nîşan dan ku her du mamosta bi hinceta gotina sirûda ‘Rêya Xebatman’ û Min Bi Tenê Nehêlin’ hatine cezakirin û ji pîşeyên wan hatine durxistin.
