Wezîrê Karên Hundir Gerald Darmanin îdîa kir ku “îmamekî radîkal” ê li herêma Aube’yê dijî, bi taybetî weazên cudakariyê li dijî jinan dide. Wezîr ragihand ku îro ji bo were dersînorkirin, hate girtin.
Wezîrê Karên Hundir daxuyanî da Europe 1 û CNews’ê û got: “Me vê siharê îmamekî radîkal ê ji Senegalê girt û wê îro were dersînorkirin.”
Wezîr Gerald Darmanin ev tişt jî diyar kir: “Ev îmam di weazên xwe de dibêje, jin divê li malê bimînin û divê Misilman nekevin nava mirovên nemisilman. Cihê van mirovan li ser xaka Komarê nîne.”
Polîsek ji AFP’ê re axivî û got: “Îmam vê siharê di saet 7.20’an de li mala xwe hate binçavkirin û birin qereqola polîsan Troyes’ê.”
Polîs ev tişt jî got: “Tê payîn îro li ser Roissy’ê were dersînorkirin.”
BI QANÛNA KOÇBERIYÊ YA NÛ RE, DI NAVA 24 SAETAN DE DERSÎNORKIRIN
Geral Darmanin diyar kir ku bi qanûneke nû ya koçberiyê û ya li dijî cudakariyê, ew dikarin di nava 24 saetan de ‘îmamên radîkal’ dersînor bikin.
