Li gorî nameya ku gihîşt Ajansa Nûçeyan a Mezopotamyayê, Bûlût diyar kir ku di nava du hefteyên dawî de lêgerîna tazî li endamên malbatê hate ferzkirin ku dixwestin serdanê bike, lewma hevdîtinê bi derengî destpê kir.
Bûlût diyar kir ku li gel hevdîtina bi midûrê girtîgehê re hate kirin jî ev kiryar dewam dike û bang li raya giştî kir ku bala xwe li ser mijarê be.
Bûlût nerazîbûn nîşanî daxuyaniya ‘lêgerîna bi tazî nîne’ ya Wezîrê Edaletê Yilmaz Tûnç da û got, “Li Hejmara 2 a Rihayê êşkenceya lêgerîna tazî li malbatan û girtiyan tê ferzkirin. Yên ku qebûl nakin êşkence li wan tê kirin û mafê wan ê hevdîtinê tê astengkirin. Divê tavilê dest ji vê kiryara li dijî rûmeta mirovahiyê bê berdan.”
