Di kursê de endama Akademiya Jineolojiyê Necîbe Qeredaxî qala dîroka nenivîsandî ya jinê, berxwedan û mîrateya jinê kir ku jineolojî xwe dispêre wê.
Necîbe Qeredaxî diyar kir ku yek ji çavkanî û armancên jineolojiyê tevgera azadiyê ya jinên kurd e û di rewşa heyî ya li Rojhilata Navîn û Kurdistanê û veguherînên dîrokî de işaret bi rola jinê kir. Bang li jinên ji Başûrê Kurdistanê kir ku di vê qonaxê de bi rola xwe rabin.
Beşdaran jî nîqaş li ser pirsgirêkên civakî û psîkolojîk ên malbat û kesên Kurd ên li derveyî welat kir û li ser rêyên çareseriyê fikrê xwe anî ziman. Hate destnîşankirin ku girîng e bi hişmendiya dîrokî û xwer3existinê ev pirsgirêk ji holê bêne rakirin.
Endama Mala Jinê ya li Osloyê Rûbar Yûsûf jî li ser armancên xwe û karê sala dawî axivî.
Rûbar Yûsûf bal kişand ser girîngiya rêxistiniya jinên Kurd ên li derveyî welat a li her qadê got, hem ji bo dîaspora Kurd hem jî ji b têkoşîna jinên Kurd a li nava welêt girîng e, jin enerjiya xwe bi rengekî rast bi kar bîne.
Huner jî parçeyek ji kursê bû. Wênevan Rûnak ezîz mijarên hatin nirxandin bi wêneyên xwe nîşan da û tevkarî li aliyê estetîk ê jineolojiyê kir.
Ji amadekarên kursê Berpirsyara Komeleya Jinên Kurd Merzî Emîn spasiya Akademiya Jineolojiyê û Mala Jinê kir ku ev çalakî bi rêxistin kirin.
Merzî Emîn destnîşan kir ku jinên Kurd di asta heyî de divê gavên mezin biavêjin û got, “Divê em destûrê nedin ku nêrîna me ya cuda me ji hev cuda bike.”
Ev kurs bû kursa destpêkê ya jineolojiyê ku ji bo jinên ji Başûrê Kurdistanê yên li Goteborgê hate lidarxistin.
