Bi pêşengiya rêxistina Kongra Star a bajarê Hesekê, bi hezaran ji jinên Hesekê, Şedadê, Dirbêsiyê, Til Temir,Til Birak, Hol, Zirgan û kampên Serêkaniyê û Waşûkanî ji bo azadiya fîzîkî ya Rêber Apo meşeke girseyî li dar xist. Beşdaran wêneyên Rêber Apo û alên Kongra Star hildan.
Meş ji Çerxerêya Marşo ya bajar dest pê kir. Piştî ku meşvan gihaştin Qada Azadiyê deqeyekê rêz girtin. Piştire endama Kongra Star a bajarê Hesekê Welîde Botî axivî û wiha got: “Em silavan ji Rêber Apo re dişînin. 26 sal in li Îmraliyê berxwedaneke dîrokî dike. Destkeftiyên ku jinan îro bi dest xistine bi saya Rêber Apo ne. Em ê jî xwedî li wan destkeftiyan derkevin û heya Rêberê me bi fîzîkî azad nebe, em dest ji têkoşîna xwe bernadin.”
Dure ji Koordînasyon Kongra Star a Hesekê Bedriya Hisen diyar kir ku bêyî azadiya fîzkî ya Rêber Apo azadî û aramî mîsoger nabe û wiha got: “Hêzên komploger xwest vîna jinan bişkînin. Rêber Abdullah Ocalan ji bo her jinekê Îmraliyê kir dibistan.”
Meş bi berzkirina dirûşman bi dawî bû.
