Navenda Mafên Mirovan ên Îranê bi raporekê ragihand ku ciwanek bi navê Mîsax Rehmetzade yê 18 salî, welatiyê Belûç û xelkê Zahîdanê ji aliyê Dadgeha Bilind a Îranê ve bi tometa ‘kombûna ji bo têkdana ewlehiya welat, propagandaya li dijî dewletê û endamtiya di komên muxalefetê de’ cezayê darvekirinê û cezayê pereyî bi 800 milyon tûmenî bi ser de hate sepandin.
Hate destnîşankirin ku hûrgiliyên belgeyên dosyeyê û şêwazê selmandina tometan û proseya yasayî ya rûniştinan tejî ne nediyartiya cidî ye, her wiha di dema binçavkirinê de ji bo îtîrafa bi zorê rûbirûyî zextek tund a fîzîkî û derûnî bûye.
Li gorî parêzeran di dosya û rewşên ku cezayê darvekirinê tên dayîn de, zelaliya derbarê belgeyan û rêkarên dadgehkirinê du qat giringe, ji ber ku biçûktirîn şaşiya dadweriyê dikare bibe sedema encamên ku nayên tezmînkirin.
Hêjayî gotinê ye ku di 18’yê Mijdara sala 2025’an de, hêzên îdareya Îtilaatê ya Zahîdanê bi ser mala malbata Mîsax Rehmetzade de ya li Zahîdanê de girtin û li gel birayê wî yê mezin Mehdî Rehmetzade bêyî fermana dadwer binçavkirin. Birayê wî hat berdan û lê Mîsax di girtîgeha Zahîdanê de ku girtiyên siyasî û ewlehiyê tê de ne, tê ragirtin.
