Li herêma Orange County ê girêdayî eyaleta Kalîfornayê ya DYE’yê, ji ber xeteriya karesatekî kîmyewî ya mezin, rewşa awarte hate ragihandin.
Gavîn Newsom ji ber tanka kîmyewî ya bi xeteriya teqînê re rû bi rû ye, roja Şemiyê li herêmê rewşa lezgîn ragihand. Rayedaran ragihandin ku nêzî 40 hezar kes hatine tehliyekirin.
Li gorî Los Angeleles Timesê tankeke metîl metakrîlayê ya 26 hezar lîtreyî li tesîsa GKN Aerospace ya li bajarê Garden Grove ji roja Pênçşemê ve xeteriyê çêdike.
Hate diyarkirin ku ji tanka ku madeyeke kîmyewî ku di hilberanina plasîtîk de tê bikaranîn û sotebar e, sotemenî jê dirêşe û xeteriya wê ya derizandinê heye.
Xebatên sarkirinê yên komên agirkuj û destwerdana lezgîn dewam dikin û hate diyarkirin ku germahî nehatiye kêmkirin. Hate ragihandin ku ji ber waneyên xirap ên tankê madeya kîmyewî nehatiye valakirin.
Rayedaran li ser du senaryoyê dirawestin; rişandina bi kontrol an jî teqîna bêkontrol.
Tê diyarkirin ku ger teqîna bêkontrol pêk were, sotemeniya bi jehr belavî atmosferê bibe û rê li ber pirsgirêkên tenduristiyên yên cidî veke.
