Çalakiya nobetê ya Wargeha Penaberan a Şehîd Rûstem Cûdî (Mexmûr) ku di 20’ê Tîrmeha 2023’an de ji bo azadiya fîzîkî ya Rêber Apo hatiye destpêkirin, 1000 roj li pey xwe hişt û çalakî bi merasîmekî dewrî koma nû (koma 194’an) hate kirin.
Derirgirtin li Komîteya Malbatên Şehîdan bi tevlîbûna dehan welatiyan û bi deqeyek rêzgirtin destpêkir. Piştî rêzgirtinê ji aliyê koma 193’an ve daxuyaniyek hate xwendin. Daxuyanî ji aliyê çalakvana bi navê Xelat Îşlek ve hat xwendin.
Daxuyanî wiha ye: “Rêber Apo pêvajoyek daye destpêkirin. Li ser vê yekî ji aliyê gelê Kurd û Tevgera Azadiya Kurdistanê ve gavên dîrokî hatin avêtin. Rêber Apo bi hemu hêza xwe dixwaze vê pêvajoyê bi ser bixe. Lê belê ji aliyê dewletê ve tu gav nehatine avêtin. Dewleta Tirk heta niha jî Kurdan înkar dike. Em bang li dewleta Tirk dikin ku xwedî li erk û berpirsyartiyên xwe derbikevin. Heta ku azadiya Rêbertiya me mîsoger nebe em dest ji çalakiya xwe bernadin.”
Daxuyanî bi diruşmeyên ‘Jin Jiyan Azadî’ û ‘Bijî Serok Apo’ bi dawî bû.
