Komîteya Amadekar a Newroza Sêrt beriya pîrozbahiya Newrozê ya bi dirûşma “Rêbertiya Azad Civaka Demokratîk” û “Civaka Demokratîk Newroz ji bo Azadiyê” di 20’ê Adarê de li qada Newrozê bê lidarxistin, li taxên Çal û Çakmakê pîrozbahiya Newrozê li dar xist. Bi sedan kesên ku li dora agirê Newrozê kom bûn, dirûşmên “Jin, Jiyan, Azadî”, “Bijî Serok Apo”, “Em ê bi berxwedanê bi ser bikevin” berz kirin.
Parlamentera DEM Partiyê ya Sêrtê Sabahat Erdogan Saritaş di pîrozbahiyê de axivî. Sabahat Erdogan diyar kir ku gelê Kurd bi saya kesên ku agirê Newrozê veguherandine agirê berxwedanê heta îro hatiye û got: “Newrozê li kesên ku di vê têkoşînê de jiyana xwe ji dest dane û di girtîgehê de girtî ne pîroz dikim. Di vê Newrozê de wê azadiya Birêz Abdullah Ocalan pêk were. Gelê Botanê ji bo aştiya bi rûmet wê bi erka xwe rabe. Ji bo pîrozkirina Newrozê roja 20’ê Adarê li qada Newrozê em lli benda her kesî ne.”
Piştî axaftinan gel li ber stranên hunermend Metîn Kiliçaslan demek dirêj govend gerand.
Pîrozbahiyên Newrozê bi çepik, tilîlî, berzkirina dirûşmeyan û gerandina govendê bi dawî bû.
