Xwediyê Xelata Aştiyê ya Nobeldê Nadya Murad anî ziman ku Neteweyên YekbûYî di darizandina DAÎŞ’ê de bi kêr nehatiye. Nadya Murad ku 10 sal in ji bo pêkhatina edaletê têdikoşe got, “Ya ku mirov têkildarî DAÎŞ û komên ji heman îdeolojiyê nizanin ew e ku kuştin ji bo wan ne xem e. Lê belê ji wê yekê ditirsin ku li dadgehê li rûyê jin û zarokan binihêrin.”
Nadya Murad anî ziman ku çeteyên DAÎŞ’ê li pêş çavên tevahiya cîhanê sûc kirin, lewma divê li pêş çavên tevahiya cîhanê jî bêne darizandin û got, “Eger em wan li pêşiya tevahiya cîhanê berpirsyar nîşan nedin, hingî wê bi navên cuda dîsa bên.”
‘SAZIYÊN NAVNETEWEYÎ HÊVIYÊ DIŞIKÎNIN’
Nadya Murad saziyên navneteweyî yên weke Neteweyên Yekbûyî jî bi zimanekî tund rexne kir û got, “Ev saziyên navneteweyî timî hêviya mirovan dişikînin. Mînakeke bi tenê bidin, çi Iraq, çi Sûriye, çi Xeze, çi Îsraîl, çi Kongo, çi jî Ûkrayna ku şer sekinandin be.”
Nadya Murad ji bo saziyên navneteweyî got, “Ji bo wan a girîng ew e ku ji bo partî û siyaseta wan çi hîn baştir e.”
