Endamê Baroya Amedê Yasîn Îçlî rastî êrîşa çekdarî hat. Hate hînbûn ku Parêzer Îçlî di dosyaya qezaya trafîkê de rastî êrîşa aliyê din ê dosyayê hatiye û metirsiya wî ya jiyanê tine ye. Hate hînbûn ku Îçlî berê derbarê êrîşkar de serlêdana sûc kiriye.
Xebatên lêgerîna êrîşkar dewam dike. Serokê Baroya Amedê Abdulkadîr Guleç li ser hesabê xwe yê X’ê êrîşê şermezar kir. Guleç diyar kir ku ew ê ji bo ronîkirina bûyerê pêvajoyê bişopînin û wiha got: “Em wekî baro li cihê bûyerê ne. Em bang li rayedaran dikin ku ji bo diyarkirina sûcdaran û pêkanîna edaletê bi erka xwe rabin.”
