Di dengdanê de ji parlamenterên partiya desthilatdariyê 64 kesan ji bo qebûlkirinê deng bi kar anîn. Li parlamentê 7 parlamenteran jî di aliyê neyînî de dengê xwe bi kar anîn. Metna hatî qebûlkirin, bang li hikûmeta Ermenî dike ku pêvajoya beşdarbûna Yekîtiya Ewropayê (YE) bide destpêkirin.
Ermenistan ku komareke berê ya Sovyetê ye, nêzî salek û nîve têkîliyên wê yên bi Rûsyayê re her ku diçe xirabtir dibin. Rûsya çekan difiroşe Ermenistanê. Hîna li ser xaka Ermenistanê baregeheke leşkerî ya Rûsyayê heye.
Erîvan bi taybetî di şerê li dijî Azerbaycanê de helwesta Rûsyayê bi tund rexne dike.
Ermenistan û Azerbaycan ji dema belavbûna Yekîtiya Sovyetan û vir ve, li ser herêma Qerebaxê du şer kirin. Şerê destpêkê yê di destpêka sala 1990’an de, Ermenistanê qezenc kir. Di şerê duyem ê sala 2020’an de jî Azerbaycan qezenc kir. Herî dawî di Îlona 2023’yan de Azerbaycanê li Qerebaxê bi tevgereke leşkerî demek kurt herêm bi temamî xiste bin kontrola xwe û ev yek bû sedem ku nêzî 100 hezar Ermeniyên etnîk ji herêmê birevin.
Ji sala 1991’an û vir ve gelek caran di navbera Azerbaycan û Ermenistanê de li ser xeta sînor pevçûn qewimîn. Pêvajoya aştiyê bi salan dom kir, dem bi dem hem pêşketin hem jî tengasî çêbûn. Rûsya, Yekîtiya Ewropa û Dewletên Yekbûyî yên Emerîka (DYE) dem bi dem tevlî hewldanên navbeynkariyê bûn.
