Di daxuyaniya artêşê de hate gotin, “Ji bo astengkirina fuzeya ji Yemenê hate avêtin, çend hewldan hate kirin” û hate ragihandin ku cismek li herêma balafirgehê ket, lê belê nehate gotin, bê ev yek fuze bû yan jî enqazek ji ber hewldana astengkirina fuzeyê bû. Di daxuyaniyê de hate gotin, bûyerê tê lêpirsîn.
Wezîrê Parastinê yê Îsraîlê Israel Katz nerazîbûn nîşanî fuzeya ji Yemenê hate avêtin da û hişyarî da Hûsiyan: “Her kesên êrîşî me bike wê heft qatî bersiva xwe bibîne.”
Rayedarekî payebilind ê Hûsiyan Mûhammed El Bûhaîtî ji qenala Al Arabî ya Qatarê re axivî û got, “Heta ku êrîşên Îsraîlê yên li ser Xezeyê bi dawî nebe, rageşî wê dewam bike. Me ispat kir ku em dikarin li DYE, Îngilistan û Îsraîlê bixin.”
