Bi pêşengiya Komeleya Alîkariya bi Malbatên Girtî û Hikumxwar re ya Mêrdînê (TUHAYDER), Seîd Tuncer ê ku piştî 32 salan hat berdan, li gundê Êwêna yê navçeya Sitewrê; Ednan Çelebî yê ku piştî 31 salan hat berdan jî li gundê Quzeyrêpê hatin serdan. Nûnerên partiyên siyasî, saziyên civaka sivîl û gelek welatî beşdarî serdanan bûn.
Seîd Tuncer di dema serdanê de axivî û diyar kir ku ew ê têkoşîna xwe ji cihê mayî bidomîne. Ednan Çelebî jî bal kişand ser girtiyên di girtîgehan de û got: “Dibe ku em niha bi bedenî li derve bin lê em hîn jî girtî ne. Heta ku em Birêz Abdullah Ocalan û hemû hevalên xwe yên girtî li cem xwe nebînin, em ê xwe her wiha bibînin.”
Hevseroka TUHAY-DER a Mêrdînê Ayşe Bozan jî anî ziman ku her berdanek hêzê dide wan û wiha got: “Em ji her hevalê/a ku tê berdan û tê nav me hêzê digirin; bi hêviya ku aştî were em xebatên xwe didomînin.”
Parlamenterên DEM Partiyê yên Mêrdînê Berîtan Guneş Altın û Kamuran Tanhan ên ku di serdanan de axivîn, bal kişandin ser “mafê hêviyê” yê ku ji bo Rêber Apo tê xwestin û diyar kirin ku ji bo pêvajo bi tendurist bimeşe, divê hikûmet gavên şonkî û berbiçav biavêje.
Piştî axaftinan serdan bi dawî bûn.
