Nivîsgeha Têkiliyan a Partiya Yekitiya Demokratîk (PYD) bi civînekê geşedanên siyasî ji şêniyên bajarê Amûdê re şîrove kirin.
Civîn li Hola Meclisa Qanûnsaz a Rêveberiya Xweser a Kantona Cizîrê ya li bajarê Amûdê pêk hat. Nûnerên saziyên civaka sivîl, Hêzên Asayîşê, meclisên leşkerî û nûnerên eşîran, koçberên Efrîn û Şehbayê beşdar bûn.
Di civînê de rêvebera Navenda Lêkolînên Stratejîk Rakan Eşwanî behsa şerên li herêmê rû dane û planên bi armanca guhertina demografîk kir. Eşwanî anî ziman ku tevî salek di ser ketina rejîma Baasê re derbas bûn, lê hîna li Sûriyeyê ewlehî, aştî û aramî pêk nehatine. Eşwanî pirsgirêka Sûriyeyê, hundirê Sûriyeyê tenê eleqedar neke, lê guhertinên li Tirkiye û Îranê bandore lê dikin.
Her wiha desntîşan kir ku destwerdana Tirkiyeyê di kar û barên Sûriyeyê de wê aramiyê pêk neyne, dê bandoreke neyinî li ewlehiya welat bike.
Rakan Eşwanî di dewama nirxandinên xwe de bal kişand ser banga Aştî û Civaka Demokratîk û diyar kir ku Rêber Abdullah Ocalan ji bo aştî li Rojhilata Navîn pêk were bang kiribû, PKK’ê tavilê bersiva bangê da, lê dewleta Tirk heya niha tu gav neavêtine.
Eşwanî got: “Rêveberiya Xweser û QSD’ê ku li ser asta navneteweyî hatin pêşwazîkirin, dikarin bibin modelên guncaw ji bo avakirina Sûriyeyeke demokratîk ku mafên hemû pêkhateyên wê mîsoger bike û rêgezên jiyana hevbeş û edaleta civakî pêş bixin. Pergala nenavendî ji bo avakirina Sûriyeyeke demokratîk bêkêr e.”
Hevseroka Nivîsgeha Têkiliyan a PYD’ê Sema Begdaş bal kişand ser peymana 10’ê Adarê ya di navbera QSD’ê û hikuemta veguhêz de û diyar kir û peyman werçerxeke dîrokî ye, lê heya niha ji ber destwerdanên dewletên derdorê encamên şênber bi xwe neanîn. Sema da zanîn ku Rêveberiya Xweser û QSD’ê hewl didin encamên ku bikeve xizmeta aramiyê û berjewendiyên giştî bi dest bixin.
Sema Begdaş da zanîn ku QSD’ê hêzeke bingehîn e ku dikare ewlehiya herêmê biparêze û Rêveberiya Xweser jî xeteke sînor e. Semayê destnîşan kir ku hikumeta veguhêz nikare bi pergala navendî ya ku jinan paşguh dike mafên tevahî pêkhateyan biparêze û da zanîn ku Rêveberiya Xweser ji bo avakirina Sûriyeyeke demokratîk modeleke bêhempa ye.
Civîn bi nîqaşên beşdaran bi dawî bû.
